TelegramTwitterphoneInstagramYouTubeFacebook
Омбудсман ҳамда ЕХҲТ Ўзбекистондаги лойиҳалари координатори ўртасида ҳамкорлик меморандуми имзоланди
2020 йилнинг 11 декабрь куни Ўзбекистон Республикаси Олий Мажлисининг Инсон ҳуқуқлари бўйича вакили (омбудсман), БМТнинг Инсон ҳуқуқлари бўйича Олий комиссари бошқармасининг Марказий Осиё бўйича ваколатхонаси, Бирлашган Миллатлар Ташкилотининг Тараққиёт Дастури, БМТ Демократия жамғармаси, Европада хавфсизлик ва ҳамкорлик ташкилотининг Ўзбекистондаги лойиҳалари координатори ва Халқаро қамоқхоналар ислоҳоти (PRI) халқаро нодавлат ташкилотининг кўмагида Ўзбекистонда Омбудсман институтининг 25 йиллиги ҳамда Халқаро инсон ҳуқуқлари кунига бағишланган “Омбудсман фаолиятини рақамлаштириш: инсон ҳуқуқ ва эркинликларини таъминлаш ва ҳимоя қилишнинг инновацион механизмлари" мазусида халқаро онлайн конференция ташкил этилди.

Халқаро онлайн-конференцияда Олий Мажлис Сенати раиси Танзила Норбоева,  Қонунчилик палатаси Спикери Нурдинжон Исмоилов, Бирлашган Миллатлар Ташкилотининг Инсон ҳуқуқлари бўйича Олий комиссари Мишель Бачелет, ЕХҲТнинг Демократик институтлар ва инсон ҳуқуқлари бўйича бюроси директори в.б. Катаржина Габдархадзе, Элчи, ЕХҲТнинг Ўзбекистондаги лойиҳалари координатори Джон МакГрегор, БМТнинг Инсон ҳуқуқлари бўйича Олий комиссари бошқармаси Марказий Осиё бўлимининг минтақавий вакили Ришард Коменда,  Буюк Британия Парламентининг Лордлар палатаси аъзоси Баронессы Вивьен Стерн, Халқаро Омбудсман институти Президенти Питер Тиндалл, Европа Омбудсман институти Бош котиби Йозеф Зигеле, “Халқаро қамоқхоналар ислоҳоти" мустақил ноҳукумат ташкилотининг ижрочи директори (PRI) Оливии Роуп ҳамда инсон ҳуқуқлари бўйича миллий институтлар, хорижий мамлакатларнинг давлат органлари, халқаро ва маҳаллий нодавлат нотижорат ташкилотлар ва ОАВ ходимлари иштирок этишди.

Шунингдек, анжуман доирасида Омбудсман институти ЙХҲТнинг Ўзбекистондаги лойиҳалари координатори билан ҳамкорлик Меморандуми имзоланди.

 

Олий Мажлиснинг Инсон ҳуқуқлари бўйича вакили (омбудсман) Матбуот хизмати