Taʼkidlash joizki, 1994-yildan buyon faoliyat yuritayotgan “Muruvvat” uyi qaramog‘ida ayni paytda 162 nafar turli yoshdagi ayollar statsionar davolanishadi. Tarbiyalanuvchilar bu yerda faoliyat ko‘rsatayotgan to‘garaklarda rasm chizish, qo‘l mehnati hamda sport bilan shug‘ullanib kelishadi.

Tashrif davomida internat uyida yashovchi nogironligi bo‘lgan ayollarning yashash, ovqatlanish, tibbiy xizmatdan foydalanish va boshqa sharoitlari o‘rganildi. Shuningdek, kutubxona, tikuv, to‘qish xonasi, sport zallari ham ko‘zdan kechirildi.

Tadbir doirasida “Muruvvat” internat uyida yashayotganlar uchun turli sovg‘alar topshirildi.

Oliy Majlisning Inson huquqlari bo‘yicha vakili (ombudsman) Axborot xizmati