Qabulda 30 dan ortiq fuqarolar uy-joy, pensiya, kredit olish shartlarini yengillashtirish, shartnomaviy majburiyatlarni bajarish, firibgarlik, toza-atrof muhit, mulk huquqlariga doir, bandlik, jazoni yengillashtirish, sud-huquq va tergov jarayonlariga oid masalalarda murojaatlarini qoldirishdi.

Ushbu murojaatlarning ba’zilariga huquqiy tushuntirishlar berildi, vakolatga doirlari esa nazoratga olinib, o‘rganishga kirishildi. Fuqarolar muammolarini har tomonlama o‘rganish zarur bo‘lgan hollarda mutaxassislar va tegishli tashkilotlar vakillari ham jalb qilinishi mumkin.

Eslatib o‘tamiz, fuqarolar Vakilga ombudsman.uz sayti, 1096 ishonch telefoni, ombudsman.uz mobil ilovasi orqali elektron hamda to‘g‘ridan-to‘g‘ri Ombudsman idorasiga va hududlardagi mintaqaviy vakillariga ham murojaat qilishlari mumkin.

Oliy Majlisning Inson huquqlari bo‘yicha vakili (ombudsman) Axborot xizmati