2025 yilning 24 aprel kuni Ombudsman boshchiligida uning huzuridagi Qiynoqlarni oldini olish bo‘yicha MPM doirasida faoliyat yurituvchi Jamoatchilik guruhlari aʼzolari tomonidan Navoiydagi qator penitensiar muassasalarga monitoring tashriflari amalga oshirildi. Jarayonlarda OAV vakillari ham ishtirok etishdi.
Bugun, 2025-yilning 14-aprel kuni Oliy Majlisning Inson huquqlari bo‘yicha vakili (Ombudsman) 23-son mahkumlar uchun ixtisoslashgan kasalxonaga monitoring tashrifini amalga oshirdi. Ushbu kasalxonada o‘tgan yilning iyul oyida Ombudsman tavsiyasiga ko‘ra, 50 o‘rinli ayollar bo‘linmasining ochilgan edi. Tashrif davomida ushbu bo‘linmaga zamonaviy med texnikalar olib kelingani va mahkumalarga barcha tibbiy sharoitlar yaratilganiga guvoh bo‘lindi.
2024-yilda Ombudsmanga O‘zbekiston Respublikasi fuqarolari, xorijiy davlatlar fuqarolari va ombudsmanlari, fuqaroligi bo‘lmagan shaxslar, jamoat tashkilotlari va boshqa yuridik shaxslardan 23 422 ta murojaat kelib tushdi. Ularning 2747 tasi maxsus qabulxonalar, vaqtincha saqlash hibsxonalari, tergov hibsxonalari, jazoni ijro etish muassasalari, intizomiy qismlar, majburiy davolash muassasalaridagi shaxslardan va ularning vakillaridan yuborilgan.
2024 yilning 10 dekabr kuni Ombudsman jamoatchilik vakillari bilan birgalikda Xorazm viloyatidagi qator harakatlanish erkinligi cheklangan shaxslar saqlanadigan yopiq muassasalarga monitoring tashriflarini amalga oshirdi. Jumladan, 11-son tergov hibsxonasidagi sharoitlar, mahbuslarning yashash, ovqatlanish, tibbiy xizmat ko‘rsatilishi, isitish tizimi va boshqa holatlar o‘rganildi. Monitoring doirasida voyaga yetmaganlar va ayollar bilan uchrashuv o‘tkazilib, ularning murojaatlari o‘rganildi hamda mahbuslarning yaqin qarindoshlari bilan suhbatlar o‘tkazildi.
2024 yilning 10 oyda Ombudsman va Jamoatchilik guruhlari tomonidan harakatlanish erkinligi cheklangan shaxslar saqlanadigan joylarga 774 marotaba monitoring tashriflari amalga oshirildi. 2023-yilning 10 oyida ushbu ko‘rsatkich 468 tani tashkil etgan edi.
