Ташриф давомида Сирдарё “Мурувват” интернат уйида яшовчи ногиронлиги бўлган аёллар ва болаларнинг яшаш, овқатланиш, тиббий хизматдан фойдаланиш ва бошқа шароитлари ўрганилди. Шунингдек, кутубхона, тикув, тўқиш ва мунчоқлар билан ишлаш  хонаси, спорт заллари ҳам кўздан кечирилди.

Жорий йилнинг феврал ойида “Мурувват” ногиронлиги бўлган аёллар учун интернат уйига янги бино фойдаланишга топширилган. 270 ўринга мўлжалланган муассасада аёллар ва мустақил ҳаракатлана олмайдиган болаларга барча шарт-шароитлар яратилган.  

Мониторинг доирасида “Мурувват” интернат уйида яшаётганлар учун 50дан ортиқ бадиий китоблар ва турли совғалар топширилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати