Ўзаро тажриба алмашиш орқали инсон ҳуқуқларини таъминлаш йўналишида илғор тажрибаларни ўрганиш мақсад қилинган мазкур тадбирда Арманистон, Эрон, Мўғулистон, Қозоғистон, Қирғизистон Республикаси, Сербия, Россия, Тожикистон, Озарбайжон, Туркманистон, Туркия, Мали, Малави Омбудсманлари ҳам иштирок этишди.

Тадбирда Олий Мажлиснинг Инсон ҳуқуқлари бўйича вакили (омбудсман) Ф.Эшматова ҳам маъруза билан иштирок этди.

Йиғилишда тадбир иштирокчилари фуқароларнинг соғлиғини муҳофаза қилиш ва тиббий ёрдам масалаларида ҳуқуқий билимларини ошириш ва бу борада ўзаро тажриба алмашиш мақсадида қўшма тадбирлар ўтказишга келишиб олишди.

Шунингдек, тадбирда ЕОАнинг доимий аъзолари томонидан Баҳрайн Подшоҳлиги Инсон ҳуқуқлари бўйича миллий институти Альянсга аъзоликка қабул қилинди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати