Учрашув давомида дастлаб меҳмонларга мамлакатимизда инсон ҳуқуқларини таъминлаш, аҳоли мурожаатлари билан ишлаш жараёнига янги механизмларнинг татбиқ этилиши, қийноқларни олдини олиш, очиқлик ва шаффофликни таъминлаш, сўз эркинлигини мустаҳкамлаш борасида амалга оширилган ишлар ҳақида маълумот берилди.

Шунингдек, учрашувда Омбудсман институтининг фаолият йўналишлари ҳамда сўнгги йилларда инсон ҳуқуқларини таъминлаш йўлида амалга оширилган ислоҳотлар ҳақида сўз борди

Таъкидланишича, Омбудсман ҳузуридаги Қийноқларнинг олдини олиш Миллий превентив механизми доирасида жамоатчилик гуруҳлари билан ҳаракатланиш эркинлиги чекланган ёпиқ муассасаларга амалга оширилаётган мониторинг ташрифларига фуқаролик жамияти институтлари ва ОАВлари вакилларининг жалб этилиши орқали Омбудсман фаолиятининг ҳолислиги ҳамда очиқ ва ошкоралиги таъминланмоқда.

Учрашувда БМТнинг Вена шаҳридаги Гиёҳванд моддалар ва жиноятчилик бошқармасининг (БМТ ГЖБ) одил судлов ва жиноятчиликни олдини олиш дастури ходими Вера Ткаченко Ўзбекистон Республикасида инсон ҳуқуқ ва эркинликларини ҳимоя қилиш борасида олиб борилаётган ислоҳотларни юқори баҳолаб, келгусида ҳамкорликни янада мустаҳкамлашдан манфаатдор эканлигини билдириб ўтди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати