Navbatdagi tadbirlar Buxoro shahridagi 22-sonli, Andijon viloyati Xo‘jaobod tumanidagi 22 va 31-sonli, Andijon tumanidagi 71-sonli, Navoiy viloyatidagi 1 va 2-sonli, Farg‘ona viloyatidagi 11 va 40-sonli, Sirdaryo tumanidagi 41-sonli, Xorazm viloyatidagi 1-sonli hamda Xonqa tumanidagi Ixtisoslashtirilgan davlat umumta’lim maktablari yuqori sinf o‘quvchilari uchun tashkil etildi.

Darslar “Huquqlarimni kim ta’minlaydi?” mavzusida interfaol mashg‘ulot shaklida tashkil etilib, o‘quvchilarga inson huquqlari va erkinliklarining  mazmun-mohiyati, ushbu huquqlarni ta’minlash bo‘yicha shug‘ullanuvchi milliy institutlar faoliyati to‘g‘risida atroflicha ma’lumotlar berildi.

Hayotiy vaziyatlar misolida berilgan yangi ko‘nikmalar va o‘zaro savol-javoblar darslarni yanada qiziqarli o‘tishiga xizmat qildi.

Oliy Majlisning Inson huquqlari bo‘yicha vakili (ombudsman) Axborot xizmati