Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Markaziy saylov komissiyasi va O‘zbekiston Respublikasi Oliy Majlisining Inson huquqlari bo‘yicha vakili (Ombudsman) o‘rtasida fuqarolarning siyosiy huquqlari va qonuniy manfaatlarini taminlash Memorandum
2019 yilning 29 oktyabr kuni Markaziy saylov komissiyasi va O‘zbekiston Respublikasi Oliy Majlisining Inson huquqlari bo‘yicha vakili (Ombudsman) o‘rtasida Memorandum imzolandi. Memorandumga ko‘ra, taraflar saylovlarda fuqarolarning siyosiy huquqlari va qonuniy manfaatlarini himoya qilish maqsadida o‘zaro hamkorlik qiladi.

Tomonlar o‘z vakolatlaridan kelib chiqib, fuqarolarning siyosiy huquqlari, hususan saylov huquqlariga oid normativ-huquqiy hujjatlarning mazmun-mohiyatini hamkorlikda keng jamoatchilikka yetkazish, harbiy qismlarda, qamoqda saqlash va ozodlikdan mahrum etish joylarida tuzilgan saylov uchastkalarida hamkorlikda monitoringlarni amalga oshirish, qonunchilikka muvofiq jismoniy imkoniyati cheklangan shaxslarning saylov jarayonida huquqlari taʼminlanishini monitoring qilish, saylovchilar va nomzodlardan tushayotgan murojaatlarni hamkorlikda ko‘rib chiqish va tegishli qonuniy choralarni ko‘rish hamda saylov qonunchiligi buzilishi holatlarini bartaraf etish borasida  tegishli davlat organlari bilan hamkorlik qiladi.

Memorandum imzolanishidan maqsad - O‘zbekiston Respublikasining Saylov kodeksi va saylov qonunchiligiga kiritilgan so‘nggi yangiliklar, O‘zbekiston Respublikasi Markaziy saylov komissiyasining saylov masalalarini tartibga soluvchi normativ-huquqiy hujjatlarining mazmun-mohiyati, shuningdek saylovchilarning huquq va erkinliklarini keng tushuntirish bo‘yicha ishlar samaradorligini yana-da oshirishdan iborat.

Oliy Majlisning Inson huquqlari bo‘yicha vakili (ombudsman) Matbuot xizmati