Majlisda Senatning navbatdagi yalpi majlisi kun tartibi doirasida ko‘rib chiqilishi lozim bo‘lgan 10 ga yaqin qonunlar hamda bir qator masalalar dastlabki tarzda muhokama qilindi.
Shuningdek, majlisda O‘zbekiston Respublikasi Oliy Majlisining Inson huquqlari bo‘yicha vakilining (ombudsmanning) 2022-yildagi faoliyati to‘g‘risidagi hisoboti dastlabki tarzda eshitildi.
Senatorlar tomonidan taʼlim va sog‘liqni saqlash sohasida fuqarolarning huquq va erkinliklarini taʼminlash, shuningdek, qonun buzilishi holatlarini bartaraf etish maqsadida davlat organlari va tashkilotlari, ularning mansabdor shaxslariga Ombudsman nomidan ko‘rib chiqilishi majburiy bo‘lgan ariza va daʼvo arizalari, taqdimnomalar hamda tavsiyaviy xususiyatga ega xulosalarning ijrosi qay darajada ekanligi muhokama qilindi.
Vazirlik va idoralar vakillari fuqarolar va jismoniy shaxslarning murojaatlarini ko‘rib chiqishda tegishli xodimlarning masʼuliyatini oshirish zarurligi taʼkidlandi.
Majlis yakuni bo‘yicha Qo‘mitaning tegishli qarori qabul qilindi.