Nazariya va amaliyot uyg‘unligi tamoyili asosida universitet talabalari va magistrantlari darsdan so‘ng Ombudsman instituti mutaxassislariga biriktirilgan holda murojaatlar bilan ishlash, qabullarda ishtirok etish kabi yo‘nalishlarda o‘z ko‘nikmalarini oshirishlari mumkin.

Bundan tashqari, Ombudsman Kotibiyatining malakali xodimlari tomonidan Toshkent davlat yuridik universitetida mahorat darslari ham muntazam o‘tkazib kelinmoqda.

Yurist kadrlarning huquqiy ko‘nikmalarini rivojlantirishga qaratilgan navbatdagi mahorat darslari Ombudsman bosh maslahatchisi Azizbek Yuldashev ishtirok etdi. Amaliyotchi ekspertlar bilan o‘tkaziladigan shu kabi ochiq muloqotlar talabalarning inson huquqlarini himoya qilishning milliy tizimiga oid yangi bilimlarni egallash va ulardan foydalanish ko‘nikmasini shakllantirishlariga xizmat qiladi.

 Oliy Majlisning Inson huquqlari bo‘yicha vakili (ombudsman) Axborot xizmati