Xabar ijtimoiy tarmoqlarda tarqalishidan avvalroq, Ombudsman huzuridagi Qiynoq holatlarini aniqlash va ularning oldini olish bo‘yicha jamoatchilik guruhlari aʼzosining qo‘l telefoniga xabarda qayd etilgan mahkum Q.Sh.ning akasi qo‘ng‘iroq qilib, telefon raqamini yuqoridagi xabarni ijtimoiy tarmoqlarga joylagan shaxs berganligi va qo‘ng‘iroq qilishni tavsiya qilganligi aytgan hamda akasi mahkum Q.Sh. haqida yuqoridagi maʼlumotni berib, ushbu masalada amaliy yordam so‘ragan.

Suhbatdan so‘ng, xabarni qabul qilgan Jamoatchilik guruhlarining aʼzosi bu haqida Ombudsman xodimlariga xabar bergan va holat Ombudsman tomonidan nazoratga olingan holda o‘rganilgan.

O‘rganishlar davomida, olingan dastlabki maʼlumotga ko‘ra mahkum Q.Sh. 2023 yil 22 va 26 sentyabr kunlari koloniya xodimlariga yot jism yutib yuborganligini aytgan. U darhol tibbiyot bo‘limiga olib borilib, rentgen tekshiruvidan o‘tkazilganida qorin bo‘shlig‘i va oshqozon ichak traktida yot jism aniqlanmagan.

Ombudsman tomonidan Jamoatchilik guruhlari aʼzosiga kelib tushgan ushbu xabarni nazorat tartibida o‘rganish va holatga qonuniy baho berish uchun Bosh prokuraturaga so‘rov xati kiritildi.

Qayd etish joizki, qamoqda saqlash joylarida ushlab turilgan shaxslar yuzasidan Ombudsman xodimlari va Jamoatchilik guruhlari aʼzolariga kelib tushgan xar bir maʼlumot va xabar Ombudsman tomonidan nazoratga olingan holda o‘rganilishi taʼminlanadi.

Shuningdek, Ombudsmanga ombudsman.uz  sayti orqali murojaat qilish mumkinligi va unda xodimlar bilan aloqa o‘rnatish uchun xizmat telefon raqamlari ham ko‘rsatilganligini takroran maʼlum qilamiz.

Oliy Majlisning Inson huquqlari bo‘yicha vakili (ombudsman) Axborot xizmati