Мазкур ҳолат бўйича, Олий Мажлиснинг Инсон ҳуқуқлари бўйича вакили (омбудсман) Тошкент вилояти ҳокимиятига мурожаат қилиб, мурожаатчига уй-жой шароитларини яхшилаш учун моддий ва ижтимоий ёрдам кўрсатишни сўраган эди.

Омбудсманга маълум қилинишича, ҳозирда мурожаатчининг чала қурилган уйи ҳомийлар томонидан таъмирланди, иссиқлик ва газ билан таъминланган.

Шунингдек, 2-гуруҳ ногиронлиги бўлган ота тиббий кўрикдан ўтказилиб, 1-гуруҳ ногирони сифатида рўйхатга олинган. 

Эслатиб ўтамиз, Вазирлар Маҳкамасининг 2015 йил 10 августдаги 237-сон қарори билан тасдиқланган “Кексалар ва ногиронлиги бўлган шахсларга ижтимоий хизматлар ва ижтимоий ёрдам кўрсатиш, шунингдек ижтимоий хизматларнинг якка тартибдаги дастурини шакллантириш ва амалга ошириш тартиби тўғрисида”ги Низомнинг 6-бандига мувофиқ, ёлғиз яшайдиган ҳамда ёлғиз кексалар ва ногиронлиги бўлган шахсларга уйида парвариш қилиш бўйича ижтимоий хизматлар тиббий-ижтимоий хизматларни ривожлантириш бўлимлари томонидан кўрсатилади ҳамда улар маиший хизмат кўрсатишни, шу жумладан озиқ-овқат маҳсулотларини, зарур саноат товарларини ва дори-дармонларни сотиб олиш ва уйига етказиб беришни, овқатлар тайёрлашда ва уйни йиғиштириш-тозалаш, гигиена ишларида кўмаклашишни ўз ичига олади.

Олий Мажлиснинг Инсон ҳуқуқлари бўйича вакили (омбудсман) Ахборот хизмати