Қарор билан гауптвахта, махсус қабулхона, вақтинча сақлаш ҳибсхонаси, тергов ҳибсхонаси, жазони ижро этиш муассасаси, интизомий қисм, мажбурий даволаш муассасаларида (кейинги ўринларда – ҳаракатланиш эркинлиги чекланган шахслар сақланадиган жойлар) қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш ҳолатларининг (кейинги ўринларда – қийноқ ҳолатлари) олдини олиш ва аниқлаш тизимининг самарадорлигини ошириш бўйича устувор вазифалар белгиланди.

Жумладан, ҳаракатланиш эркинлиги чекланган шахслар сақланадиган жойларда сақланаётган шахсларнинг ягона электрон реестрини юритиш амалиёти йўлга қўйилди. Шунингдек, Омбудсман ҳузуридаги эксперт гуруҳи негизида Қийноқ ҳолатларини аниқлаш ва уларнинг олдини олиш бўйича жамоатчилик гуруҳлари (кейинги ўринларда – Жамоатчилик гуруҳлари) ташкил этилиб, ҳаракатланиш эркинлиги чекланган шахслар сақланадиган жойларга мониторинг ташрифларини амалга ошириш юзасидан асосий вазифалар белгиланди.