O‘quvchilarning inson huquqlari bo‘yicha bilimlarini mustahkamlash bo‘yicha respublika bo‘ylab “Ombudsman soat”lari o‘tkazilmoqda. Navbatdagi tadbirlar Surxondaryo viloyatidagi Sherobod tuman ixtisoslashtirilgan maktabida, Guliston shahridagi 2-sonli, Urganch tumanidagi 1-sonli, Jizzaxdagi 8-sonli hamda Farg‘ona shahridagi 5-sonli umumiy o‘rta taʼlim maktablarida tashkil etildi.

Uchrashuvda inson huquqlari sohasidagi taʼlim har bir shaxsga o‘z huquqlarini talab qilish barobarida o‘zgalar huquqlarini ham poymol etmasliklari uchun zamin yaratishi alohida taʼkidlandi.

O‘zaro savol-javoblarga boy tarzda o‘tgan darslarda o‘quvchilar inson huquqlariga oid ko‘plab bilimlarni o‘zlashtirishdi.

 Oliy Majlisning Inson huquqlari bo‘yicha vakili (ombudsman) Axborot xizmati