Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Қашқадарёдаги тергов ҳибсхонасида сақланаётган маҳкум ва маҳбуслар тиббий кўрикдан ўтказилди
2022 йилнинг 16 ноябрь куни Ўзбекистон Республикаси Олий Мажлисининг Инсон ҳуқуқлари бўйича вакили (омбудсман)нинг Қашқадарё вилоятидаги минтақавий вакили Муродулла Нормурадов ташаббуси билан Қарши шаҳридаги 5-сон тергов ҳибсхонасида сақланаётган маҳкум ва маҳбуслар тиббий кўрикдан ўтказилди. Ушбу тиббий кўрик вилоят Соғлиқни сақлаш бошқармаси ҳамда 5-сонли тергов ҳибсхонаси билан ҳамкорликда  ташкил этилди. 

Тиббий кўрикка вилоятнинг энг малакали хирург, травматолог, окулист, невропатолог, кардиолог, эндикринолог ва гастроэнтеролог ва лаборант-мутахассислар, махсус тиббий анжомлар ва дори воситалари билан таъминланган мобиль автобус жалб этилди.

5-сонли тергов ҳибсхонада сақланаётган 70дан ортиқ маҳкум ва маҳбуслар малакали шифокорлар тиббий кўригидан ўтказилди ва керакли дори воситалари тарқатилди.Бундан ташқари Омбудсманнинг Қашқадарё вилояти минтақавий вакили томонидан тергов ҳибсхонасида сақланаётган маҳбуслар билан якка тартибда сайёр қабул ўтказилди. Унда маҳбуслар тергов жараёнларидан норозиликлари ва суд жараёнларида Омбудсман минтақавий вакилининг  иштирок этиш бўйича мурожаат қилишди.

Олий Мажлисининг Инсон ҳуқуқлари бўйича вакили (омбудсман) Ахборот хизмати