Дастлаб, маҳаллада фуқароларни қийнаётган масалалар юзасидан фикр-мулоҳаза алмашилди. Шундан сўнг, аҳолининг ер, мулк соҳасига доир, шунингдек, уй-жой ажратиш, ишга жойлашиш, коммунал соҳага доир мурожаатлари қабул қилинди. Мурожаатларнинг 2 таси жойида қаноатлантирилди, 10 нафар фуқарога ҳуқуқий тушунтиришлар берилди. 2 та мурожаат Омбудсман минтақавий вакили иш юритувига олинди.

Дарҳақиқат, жойларда ўтказилаётган бу каби давра суҳбатлари, учрашув ва мулоқотлар халқ идораси ва фуқаролар ўртасида ўзаро муносабатларни мустаҳкамлаш ҳамда давлат ва жамият ўртасида узвий мулоқотни таъминлашга хизмат қилади.

Олий Мажлиснинг Инсон ҳуқуқлари бўйича вакили (Омбудсман) Ахборот хизмати