Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Сирдарёда навбатдаги фуқаролар сайёр қабули ташкил этилди
2022 йил 31 май куни Сирдарё вилояти Янгиер шаҳрида, Ўзбекистон Республикаси Олий Мажлисининг Инсон ҳуқуқлари бўйича вакилининг (Омбудсманнинг) Сирдарё вилоятидаги Минтақавий вакили Шуҳрат Алимов, Ўзбекистон касаба уюшмалари Федерациясининг Сирдарё вилоят Кенгаши меҳнат ҳуқуқи инспектори Ширинхон Умаралиева ҳамда Янгиер шаҳар халқ қабулхонаси етакчи мутахассиси Абдувосит Бахромовлар Янгиер шаҳар халқ қабулхонаси биносида фуқаролар сайёр қабулини ташкил этишди.

Сайёр қабул давомида шаҳар худудида яшовчи 9 нафар фуқаро қабул қилиниб, шундан 4 нафарига ҳуқуқий тушунтириш берилди, 3 нафарининг мурожаатлари жойида ҳал этилди, шунингдек, 2 нафар фуқаронинг мурожаати минтақавий вакил назоратига олинди.

Жумладан, Янгиер шаҳар, “Фазилат” МФЙда яшовчи фуқаро З.Э. хонадонида кўп киши яшаётганлигини инобатга олиб, уй-жой қуриши учун тегишли банкдан имтиёзли кредитлар олиш масаласида амалий ёрдам берилишини сўради. Қабул давомида АТ “Қишлоққурилиш банк”нинг Янгиер шаҳар филиали ходими жалб қилиниб, ушбу фуқарога кредит ажратиш масаласида ҳуқуқий тушунчалар берилди ва тақдим этиши керак ҳужжатларни тайёрлаш ва тақдим этиш тушунтирилди.

Шунингдек, сайёр қабулда фуқаролардан визани расмийлаштириш, уй-жой, бандлик, моддий ёрдам олиш каби масалаларда мурожаатлар келиб тушди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати