Ушбу анъанага содиқ қолган ҳолда Олий Мажлиснинг Инсон ҳуқуқлари бўйича вакили (омбудсман) жамоаси Ўзбекистон Ёзувчилар уюшмаси билан ҳамкорликда Оҳангарон "Саҳоват" кексалар ва ногиронлиги бўлган шахслар уйига ташриф буюришди. Мақсад яқинларининг меҳрига муштоқ бўлиб умргузаронлик қилаётган юртдошларимиз юзига озгина бўлсада меҳр улашиш, уларнинг доим давлат ҳимояси ва эътиборида эканликларини ҳис қилишларига ҳисса қўшишдан иборат.
Ташриф доирасида Омбудсман ёши катта ҳамюртларимизни Рамазон хайити байрами билан табриклаб, улар дардига қулоқ тутди, ва муассасада уларга яратилган шароитлар билан танишди.
Олий Мажлиснинг Инсон ҳуқуқлари бўйича вакили (омбудсман) Матбуот хизмати
