Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
13 sentyabr kuni Komissiya aʼzolari tomonidan 60 nafardan ortiq fuqarolar qabul qilindi
Avval xabar berganimizdek, Qoraqalpog‘istondagi holatlarni o‘rganayotgan Komissiya aʼzolari 2022 yilning 13 sentyabridan yana Qoraqalpog‘istonda ish boshlashdi.

Shu kuni Komissiya shtabiga kelgan 60 nafardan ortiq fuqarolarning murojaatlari qabul qilindi.

Qoraqalpog‘istonda bo‘lib o‘tgan voqealarda ishtirok etganlikda gumon qilinib, olib ketilgan shaxslarning  oila aʼzolari bilan muloqot davomida ular tomonidan keltirilgan vajlar o‘rganish uchun qabul qilindi.

Murojaatchilarga tergov jarayonlarining davom etayotgani, Komissiya aʼzolari o‘z vakolatlari doirasida murojaatlarni ko‘rib chiqib, tegishli chora-tadbirlarni amalga oshirishlari tushuntirildi.

Oliy Majlisining Inson huquqlari bo‘yicha vakili (ombudsman) Matbuot xizmati