Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Qoraqalpog‘istondagi holatlar yuzasidan komissiya aʼzolari fuqarolar murojaatlarini muntazam qabul qilishmoqda
Qoraqalpog‘iston Respublikasida yuz bergan holat va voqealarni o‘rganish bo‘yicha komissiya aʼzolari tomonidan Komissiyaning ishchi Shtabida fuqarolar qabuli muntazam o‘tkazib kelinmoqda. Olingan har bir murojaat Komissiya tomonidan nazoratga olinib, tegishli choralar belgilanmoqda.

Joriy yilning 7 sentyabr kuni 10 nafarga yaqin fuqarolar murojaat qilishdi. Namoyishlarda ishtirok etganlikda gumonlanayotgan shaxslarning oila aʼzolari fuqarolarning Qoraqalpog‘istonda bo‘lib o‘tgan voqealarda sodir etgan qilmishlaridan pushaymon ekanligi va oilaviy sharoitlarini eʼtiborga olib yengillik berilishida yordam so‘rashdi.

Shuningdek, Komissiya tashabbusi bilan ishga tushirilgan 1374 qisqa raqamli koll-markaz tomonidan fuqarolar murojaatlari qabul qilinmoqda.

Mustaqil Komissiyaga maxsus @Independentuzb_bot orqali onlayn murojaat yuborish imkoniyati yaratilganligini ham eslatib  o‘tamiz.

Oliy Majlisning Inson huquqlari bo‘yicha vakili (ombudsman) Axborot xizmati