Assotsiatsiyaning mazkur yig‘ilishi, aʼzolarning 2022 yilning ikkinchi yarim yilligidagi faoliyat yo‘nalishlarini belgilash va chora-tadbirlar rejasiga doir takliflarni muhokama qilishga bag‘ishlandi.

Onlayn yig‘ilishda Turkiy tilli davlatlar Ombudsmanlari va inson huquqlari bo‘yicha markazlari xodimlarining o‘zaro tajriba almashish va malaka oshirishi va murojaatlar bilan ishlashda o‘zaro hamkorlikni mustahkamlashga doir takliflar bildirildi.

Uchrashuv yakunida Ozarbayjon Respublikasi Inson huquqlari bo‘yicha Ombudsmani Sabina Aliyeva ishtirokchilarni joriy yilning oktyabr oyida Baku shahrida bo‘lib o‘tadigan xalqaro konferensiyaga taklif qildi.

Oliy Majlisning Inson huquqlari bo‘yicha vakili (ombudsman) Axborot xizmati