Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Ombudsman ko‘magida Chernobil AES qatnashchisiga subsidiya ajratildi
Oliy Majlisning Inson huquqlari bo‘yicha vakiliga (ombudsmanga) Toshkent shahridan 2-guruh nogironi, Chernobil AES qatnashchisi bo‘lgan fuqaro M.N. imtiyozli asosda uy-joy olish bo‘yicha murojaati tegishli organlar tomonidan qonun doirasida ko‘rib chiqilmayotgani bo‘yicha murojaat qildi.

Murojaatchining yozishicha, u oila aʼzolari bilan noqulay sharoitda yashab keladi. Qonunchilik normalarida Chernobil halokatidan ziyon ko‘rgan O‘zbekiston Respublikasida istiqomat qiluvchi fuqarolarga pul kompensatsiyalari va imtiyozlar nazarda tutilgan bo‘lishiga qaramay, uning uy-joy xarid qilish bo‘yicha subsidiya ajratish haqidagi murojaati ijobiy hal etilmagan.      

Murojaat Ombudsman nazoratiga olinib, o‘rganilishi natijasida fuqaroning shu masalada bir necha yildan buyon tegishli idoralarga murojaat qilayotgani hamda uning murojaatini ko‘rib chiqishda tegishli normativ hujjatlar meʼyorlariga to‘liq amal qilinmaganlik holatlari aniqlandi.

Shundan so‘ng fuqaro murojaatini qonunchilik asosida ko‘rib chiqish bo‘yicha tegishli davlat idoralariga murojaat qilindi. Natijada 2-guruh nogironi, Chernobil AES qatnashchisi bo‘lgan fuqaro M.N.ga uy-joy xarid qilishi uchun subsidiya ajratildi.

Oliy Majlisning Inson huquqlari bo‘yicha vakili (ombudsman) Axborot xizmati