Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Nogironligi bo‘lgan shaxs murojaati ijobiy hal etildi
Oliy Majlisning Inson huquqlari bo‘yicha vakiliga (ombudsmanga)  Toshkent viloyati, Zangiota tumanida yashovchi fuqaro J.N. nogironlikni belgilashda amaliy yordam so‘rab murojaat qildi.

Murojaat o‘rganilishi natijasida aniqlanishicha fuqaro 2 marotaba jarrohlik amaliyotini boshdan kechirgan bo‘lib, uning oyog‘idagi barmoqlari gangrena tashxisi bilan kesib tashlangan.

Fuqaro J.N.ning maʼlum qilishicha, og‘riq kuchli bo‘lgani sababli doim dori qabul qilishga majbur, shu sababli ham hech qayerda ishlamaydi.

Ushbu murojaat nazoratga olinishi natijasida, fuqaro J.N. tuman ko‘p tarmoqli markaziy poliklinikasi tor soha mutaxassislari ko‘rigidan o‘tkazilib, unga “o‘ng oyoq panja barmoqlari gangrenasi” tashxisi qo‘yildi. Tegishli hujjatlar rasmiylashtirilgach, murojaatchiga 1 yil muddatga ikkinchi guruh nogironligi belgilandi.

 Oliy Majlisning Inson huquqlari bo‘yicha vakili (ombudsman) Matbuot xizmati