Mazkur yig‘ilishda turli internat tipidagi muassasalarda tarbiyalanayotgan bolalarni deinstitutsionallashtirish bo‘yicha xaritalashtirish loyihasini amalga oshirish masalalari muhokama etildi.
Mutaxassislarning so‘zlariga ko‘ra, deinstitutsionallashtirish bolalar va oilalarga qarash bo‘yicha zamonaviy va samarali xizmatlarni rivojlantirishdir. Agar u to‘g‘ri boshqarilsa, bolalarga xizmat ko‘rsatish bo‘yicha mukammallashtirilgan va sezgirroq xizmat ko‘rsatish uchun katalizator va moliyalashtirish manbasi bo‘lishi mumkin. Sababi, qator xorijiy davlatlarning bu boradagi ilg‘or tajribalariga nazar solsak, jamiyatdagi bolalar va oilalar bilan bog‘liq aksariyat muammolar hal etilayotganini hamda oz sonli bolalargina muqobil yordamga va internat tipidagi muassasalarda parvarishlanayotganiga guvoh bo‘lish mumkin.
Bolalarni deinstitutsionallashtirish borasida dastlab muassasalarga joylashtirilgan bolalar, shuningdek ularning oilalari, qarindoshlari va do‘stlari to‘g‘risida to‘liq statistik maʼlumotlarni olish uchun institutsional muassasalar xaritasi tuzib olish maqsadga muvofiq. Keyinchalik, internat muassasalarida har bir bolani parvarish qilish va saqlash xarajalari haqida maʼlumot to‘planadi. Keyingi bosqichda esa monitoring maʼlumotlari asosida vaziyatni baholash amalga oshiriladi. Bunda murakkab turmush tarziga tushib qolgan oilalar, nogironligi bo‘lgan bolalarga ijtimoiy xizmatlar ko‘rsatish holatigi alohida eʼtibor qaratiladi.
Uchrashuv davomida tomonlar xaritalashtirish loyihasini amalga oshirish bo‘yicha asosiy vazifalarni belgilab olindi. Jumladan,
• Bolalarni o‘z oilalaridan ajratib qo‘ymaslik uchun mahalliy darajada oilalarni ijtimoiy himoya tizimini yaxshilash
• Oilani qo‘llab-quvvatlash va reintegratsiya xizmatlarini rivojlantirish / mustahkamlash
• Oilaviy va hamjamiyat negizida muqobil parvarish qilishni rivojlantirish / mustahkamlash (haqiqiy oilasi va farzand qilib olgan oila)
• Oilaga qaytarish yoki asrab olgan oilaga joylashtirish orqali bolalarni muassasalardan oilalarga va hamjamiyatlarga reintegratsiya qilish (farzandlikka olish, vasiylik/homiylik, patronat)
• Mavjud internat muassasalarini yordamga muhtoj bolalar va oilalarga ko‘rsatiladigan ijtimoiy xizmatlar markazlariga aylantirish
Oliy Majlisning Inson huquqlari bo‘yicha vakili (ombudsman) Matbuot xizmati
