Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Inson qadri barcha narsadan ustun. Davlat rahbarining Oliy Majlis va O‘zbekiston xalqiga yo‘llagan Murojaatnomasida ushbu g‘oyaning to‘liq mujassam ekaniga guvoh bo‘ldik. Taʼlim, sog‘liqni saqlash, elektr energiya, gaz, sud-huquq, xullas aholini qiynab kelayotgan masalalarning barchasi ushbu Murojaatnomadan o‘rin oldi. Ahamiyatlisi, muammolar aniq ko‘rsatildi, takliflar ham aniq ilgari surildi.
Prezidentimiz 2022 yil 20 dekabr kuni Oliy Majlis va O‘zbekiston xalqiga navbatdagi Murojaatnomani taqdim etdi. Davlatimiz rahbari milliy rivojlanishimizning yangi davri boshlangani, aholimiz soni 36 milliondan oshganligi, har yili 900 mingta yangi avlodimiz safimizga qo‘shilayotganligini alohida ta’kidladi. Bu birinchi navbatda har birimizdan tinimsiz mehnat qilishni talab etayotganligini aytdi. Tinimsiz izlanyapmiz,tinimsiz o‘rganyapmiz, dunyoning qaysi davlatiga bormaylik albatta tajriba o‘rganyapmiz, izlanyapmiz, dedi mamlakatimiz rahbari. bugungi dunyo – sinovli dunyo. Tajriba esa taraqqiyot uchun amalga oshirilayotgan islohotlarning bardavomligini ta’minlaydi.
Bir murojaat ortida bir inson taqdiri bo‘lsa, murojaatlar tahlili sohalardagi tizimli masalalarni aniqlash va ularni bartaraf etish imkonini beradi. Shu nuqtai nazardan Oliy Majlisning Inson huquqlari bo‘yicha vakili (ombudsman) nomiga kelib tushayotgan murojaatlar muntazam tahlil qilinib, qonun hujjatlaridagi bo‘shliqlarni bugungi kun talabiga mos ravishda takomillashtirilishi bo‘yicha takliflar tayyorlanmoqda.
O‘zbekiston o‘zining davlat mustaqilligini qo‘lga kiritganiga va mustaqil taraqqiyot yo‘liga o‘tganiga 31 yil to‘ldi. Inson baxtli bo‘lishi uchun erkin bo‘lishi, erkin bo‘lishi uchun esa mustaqil bo‘lishi kerak. Demak biz, eng avvalo, mustaqillikning mazmun-mohiyatini anglab olishimiz va yosh avlodga uning ahamiyatini yetkazishimiz zarur bo‘ladi. Inson “mustaqillik” deganda o‘z taqdiriga o‘zi egalik qilish huquqi ekanligini anglashi va uni yana-da mustahkamlashga intilishi zarurligini tushinish lozim. Shuning uchun ham har bir inson “mustaqillik” degan so‘zning tub maʼnosini tushunib yetishi, bu so‘zning buyuk neʼmat ekanligini anglashi va unda naqadar ulug‘ maʼno yotganligini anglashi ahamiyatlidir.
Mamlakatimizda inson, uning hayoti, erkinligi, shaʼni, qadr-qimmati va boshqa daxlsiz huquqlari oliy qadriyat hisoblanadi. Xo‘sh, keyingi yillarda “Inson qadri ulug‘” prinsipi asosida qanday chora-tadbirlar amalga oshirilmoqda? Umuman, inson huquqlari hamda erkinliklarini muhofaza qilishning taʼsirli vositasini barpo etish, xalqaro tashkilotlar va huquqni muhofaza qiluvchi organlar bilan hamkorlikni kengaytirish borasidagi ishlardan xalqimiz rozimi?